Qeyri-zorakı ünsiyyətdə hisslərimizi ifadə edən sözlərlə vəziyyətimizi qiymətləndirən sözləri fərqləndirmək önəmlidir. Biz “Musiqi bacarıqlarımın olmadığını hiss edirəm” dedikdə, əslində musiqi bacarığımızı qiymətləndiririk. Lakin bu düşüncənin bizdə yaratdığı təsirə fokuslanaraq “Musiqi ifa etdiyimi eşidəndə məyus oluram” dedikdə, biz artıq öz daxili hissimizi ifadə etmiş oluruq.
olmadığını hiss edirəm” (hiss yox, subyektiv qiymətləndirmə)
məyus oluram” (hiss)
Biz “Hiss edirəm ki, məni başa düşmürlər” dedikdə, əslində öz hissimizi deyil, qarşı tərəfin bizi anlamadığına dair qənaətimizi ifadə edirik. Bu situasiyada daxili aləmimizə nəzər salaraq “Narahatam”, “Qıcıqlanıram” və ya “Məyusam” kimi konkret emosional vəziyyətləri dilə gətirmək daha uyğundur. Eyni şəkildə, “Özümü görməzdən gəlinmiş hiss edirəm” demək daxili hissimizi ifadə etməkdən daha çox başqalarının hərəkətlərini subyektiv şəkildə mənalandırmaqdır.